Gəncədə bir müddət əvvəl inventarlaşdırılmış quru və qəzalı ağacların götürülməsi işlərinə başlanılıb.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən (MKTİB) verilən məlumata görə, Gəncə şəhərində Ekologiya və Təbii Sərvətlər Nazirliyinin (ETSN) aidiyyəti qurumları tərəfindən inventarlaşdırılmış və nişanlanmış quru və bioloji inkişafdan qalmış ağacların şəhər MKTİB tərəfindən götürülməsi işləri aparılır. Gəncə şəhərinin küçə, prospekt və parklarında bu günə qədər qeydiyyata alınaraq inventarlaşdırılmış və nişanlanmış 500-dən çox quru və qəzalı ağac müəyyən olunub.
Götürülən ağacların yerinə iqlim və torpaq şəraitinə uyğun yeni ağacların əkilməsi isə, payız mövsümündə həyata keçiriləcək. Quru və qəzalı ağacların götürülməsi və onların yerinə yeni ağacların əkilməsi prosesi, yaşıllıqları qorumaq, şəhərin ekoloji tarazlığını bərpa etmək məqsədi daşıyır.
