Xəbər verdiyimiz kimi, Gəncə şəhərinin Gülüstan qəsəbəsində, Tofiq Bağırov küçəsində yerləşən “Dost İnşaat” mağazasının qarşısı inşaat materialları ilə zəbt olunmuşdu. Bu səbəbdən piyadalar səkidən istifadə edə bilmirdi.
Gencexeber.az-a mağaza rəhbərliyindən verilən məlumata görə, vətəndaşların narazılığı nəzərə alınaraq inşaat materialları operativ şəkildə ərazidən yığışdırılıb. Bildirilib ki, həmin mənzərə səhər saatlarında mağazaya malların gətirilməsi zamanı yaranıb. Malların çoxluğuna görə onların vaxtında içəri yerləşdirilməsi mümkün olmayıb.
Lakin məsələ qısa müddətdə aradan qaldırılıb. Rəhbərlik qeyd edib ki, maşınların sürətlə hərəkət etdiyi küçədə piyadaların təhlükəsizliyini təmin etmək və səkilərin əlçatanlığını qorumaq üçün operativ müdaxilə olunub.
