Gəncəçay çayının məcrasında iməcilik işləri görülüb.
Gencexeber.az-a Mənzil Kommunal Təsərrüfatı İstehsalat Birliyindən (MKTİB) verilən məlumata görə, qurumun Ərazi Xidmət Sahələrinin əməkdaşlarının iştirakı ilə Gəncəçayının sol sahilində təmizlik aksiyası həyata keçirilib.
Tədbir çərçivəsində çayın üzərində mövcud olan avtomobil və piyada körpülərinin ətrafı, Gəncəçayın məcrası məişət və digər tullantılardan, kol-kosdan, alaq otlarından təmizlənib. Ərazidə mövcud zibil konteynerləri boşaldılıb, ətrafında səliqə-sahman yaradılıb. Yığılan tullantıların ərazidən daşınması təmin edilib.
Təmizlik aksiyasına MKTİB-nin canlı qüvvəsi ilə yanaşı, qurumun xüsusi təyinatlı texnikaları da cəlb olunub.
