Gəncədə universitetlərin birində tələbələrə təqaüd proqramları haqqında məlumat verilib. Bu haqda 9 oktyabr tarixində GDU-ya istinadən xəbər veririk.
Gəncə Dövlət Universitetinin tələbələri Alman Akademik Mübadilə Xidmətinin (DAAD) təqaüd proqramları ilə tanış olublar. Görüşdə qurumun ölkəmiz üzrə lektoru Lisa Brandt, GDU-nun Xarici dillər fakültəsinin dekanı Əjdər Əsgərov, Alman dili kafedrasının müdiri Elvin Atakişiyev və kafedranın baş müəllimi Vüsalə Kərimova iştirak ediblər.
Tədbirdə Lisa Brandt bildirilib ki, DAAD tələbələrə Almaniyada təqaüdlü təhsil almaq imkanı yaradan akademik mübadilə proqramıdır. Burada iştirak edən GDU-nun əməkdaşları təqaüd proqramlarının və tələbə mübadiləsinin əhəmiyyətindən danışıblar.
Görüşün sonunda tələbələri maraqlandıran suallar cavablandırılıb.
