Gəncədə universitetlərin birində ustad dərsi təşkil edilib. Bu haqda 26 aprel tarixində GDU-ya istinadən xəbər veririk.
Gəncə Dövlət Universitetində görkəmli tədqiqatçı-alim, tanınmış Azərbaycan ədəbiyyatşünası professor Asif Rüstəmlinin ustad dərsi keçirilib. Dərs “Cəfər Cabbarlının Cümhuriyyət dövrü yaradıcılığı və milli istiqlal hərəkatında yeri” mövzusuna həsr edilib.
Ustad çıxışında görkəmli dramaturq, istiqlal mücadiləsinin fəal üzvlərindən biri Cəfər Cabbarlının Azərbaycan Xalq Cümhuriyyəti dövrü və sonrakı fəaliyyət sahələri, sovet rejiminə qarşı qeyri-leqal mübarizədə Milli İstiqlal Hərəkatına qoşulması və “İstiqlal” qəzetinin nəşri prosesində fəal iştirakı haqqında danışıb. Daha sonra mövzu ətrafında tələbələrin sualları cavablandırılıb.
