III Gəncə Kitab Sərgisi keçiriləcək.
Bu barədə Gencexeber.az-a Azərbaycan Nəşriyyatları Assosiasiyası İctimai Birliyinin (ANAİB) idarə heyyətinin üzvü Mübariz Həsənov məlumat verib.
Bildirilib ki, Fikrət Əmirov adına Gəncə Dövlət Filarmoniyasının Urban mərkəzində III Gəncə kitab sərgisi keçiriləcək. Tədbir Azərbaycan Respublikası Mədəniyyət Nazirliyi və Gəncə Şəhər İcra Hakimiyyətinin dəstəyi, ANAİB və Gəncə İctimai İştirakçılıq Məclisinin birgə təşkilatçılığı ilə təşkil olunacaq.
“Nizami yurduna kitabla gəlirik!” şüarı altında keçiriləcək sərgidə 30-dan çox tanınmış nəşriyyat, həmçinin yazıçılardan - Rövşən Abdulloğlu, Elxan Elatlı, Varis Yolçuyev, Şəmil Sadiq, Siyavuş Quliyev, doktor Mehdi Genceli, İlqar Hümbətov, Çinarə Köçərli, Elgüsel və Orxan Şahbaz da iştirak edəcəklər.
Qeyd edilib ki, tədbirdə 90 faizədək endirimlər tətbiq ediləcək. Eyni məkanda “Gəncəsənət”in (Gəncəli səntkarların əl işləri) sərgisi də olacaq.
Qeyd edək ki, III Gəncə kitab sərgisi 6-8 dekabr tarixlərində baş tutacaq.
