Gəncə Beynəlxalq Xəstəxanasında müharibə veteranları və şəhid ailələri üçün ödənişsiz tibbi aksiya keçiriləcək.
Gencexeber.az məlumat verir ki, müayinələr həkim kardioloq (EKQ, EXO), nevropatoloq və endokrinoloqlar tərəfindən aparılacaq. Əlavə olaraq laborator müayinələri sözügedən tibb ocağı qarşılayacaq.
Aksiya Azərbaycan Respublikasının Səhiyyə Nazirliyi, İcbari Tibbi Sığorta üzrə Dövlət Agentliyi, Elmi-Tədqiqat Kardiologiya İnstitutu, Gəncə Beynəlxalq Xəstəxanasının birgə təşkilatçılığı ilə həyata keçiriləcək.
Aksiya 29 noyabr tarixində saat 10:00 dan 15:00 kimi davam edəcək. Əlavə məlumat və qəbula yazılmaq üçün (055) 500 71 00 mobil telefon nömrəsi ilə əlaqə saxlamaq lazımdır.
Qeyd edək ki, Gəncə Beynəlxalq Xəstəxanası Heydər Əliyev prospekti, 60 ünvanında yerləşir.
