Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi tərəfindən “Yaşıl Dünya naminə Həmrəylik İli” çərçivəsində Gəncədə növbəti ağacəkmə aksiyası keçirilib.
Gencexeber.az bildirir ki, bu barədə MKTİB məlumat yayıb.
Üzeyir Hacıbəyov küçəsinin sağ və sol hissəsinə yerli iqlim şəraitinə uyğun Eldar şamının tingləri əkilib.
MKTİB-nin gülçülük və tingçilik təsərrüfatında yerli mütəxəssislər tərəfindən yetişdirilən fidanlar əkildikdən sonra onlara aqrotexniki qulluq göstərilib, mövcud yaşıllıq zolağının suvarılması təmin edilib.
Qeyd olunub ki, Gəncə şəhər Mənzil Kommunal Təsərrüfatı İstehsalat Birliyi tərəfindən şəhər ərazisinin yaşıllaşdırma aksiyası payız mövsümünün sonuna qədər davam edəcəkdir.
[caption id="attachment_71217" align="alignnone" width="696"]
[/caption]
[caption id="attachment_71216" align="alignnone" width="696"]
[/caption]
