Gəncənin Bala Bağman məhəlləsi adlanan tarixi ərazisinin sakinləri yolun istifadəyə yararsız olmasından şikayətlənirlər.
Gencexeber.az məlumat verir ki, 28 may küçəsində asfalt örtüyü yoxdur. Həmçinin ərazinin mərkəzi yolunun səthində dərin çuxurlar əmələ gəlib. Yağmurlu hava şəraitində küçədə çox sayda iri gölməçələr yaranır. Günəşli günlərdə isə buradan keçən nəqliyyat ərazini toza bürüyür. Ərazidə asfaltın salınmasına ehtiyac var.
Sakinlərin narahatlığına səbəb olan digər məsələ isə ictimai nəqliyyatla bağlıdır. Onlarla vətəndaş hətta Gəncə Şəhər İcra Hakimiyyətinin rəhbəri Niyazi Bayramova ərizə ilə müraciət edərək 6 və 7 saylı marşrut xətlərinin küçənin sonunacan uzadılmasını istəyib.
