Gəncədə məlumatlandırıcı tədbir keçirilib. Bu haqda 21 oktyabr tarixində GDU-ya istinadən xəbər veririk.
“Regional İnkişaf” İctimai Birliyi tərəfindən icra edilən “Azad Mirzəcanzadə inkişaf proqramı” çərçivəsində olan tədbir Gəncə Dövlət Universitetində baş tutub. Proqramın məqsədi yeni imkanları dəyərləndirməyi, aktual problemlərin yaradıcı həlli yollarını tapmağı bacaran, dayanıqlı gələcəyə töhfə verməyə çalışan, çevik, innovativ yanaşmalara sahib gənclərin üzə çıxarılması və onların inkişafıdır.
Burada universitetin Humanitar məsələlər üzrə prorektoru Gülsüm Fətəliyeva, Elm və İnnovasiyalar üzrə prorektor millət vəkili Pərvin Kərimzadə və rektorun baş müşaviri Asif Cavadov iştirak ediblər. Onlar gənclərin intellektli formalaşmasından və yaradılan imkanlardan danışıblar.
Tədbir iştirakçılarına bildirilib ki, proqrama təqdim edilən layihə təklifləri aktuallığı, reallığı, innovativ və yenilikçi olması əsasında seçiləcək. İkinci mərhələdə iştirakçılara layihələrin hazırlanması və təqdimatı istiqamətində peşəkar dəstək veriləcək, həmçinin onların liderlik bacarıqlarının inkişafı təşkil olunacaq. Sonda qalib olan layihələrin icrası üçün maliyyə vəsaiti ayrılacaq.
Proqrama qoşulmaq istəyən 18-35 yaş arası vətəndaşlar 24 oktyabr tarixinədək aşağıdakı linkə daxil olub qeydiyyatdan keçməlidirlər:
