Gəncədə universitetlərin birində yeni layihə həyata keçiriləcək. Bu haqda Gencexeber.az-a 25 aprel tarixində məlumat daxil olub.
Regionlarda ekoturizmin inkişafı və turizm sahəsində karyera perspektivləri mövzusu üzrə panel müzakirə formatında toplantı keçiriləcək. Layihə Azərbaycan Texnologiya Universitetində baş tutacaq.
"CareerLAB şəbəkəsi" proqramı 26 aprel tarixində saat 11:00-da işinə başlayacaq. Tədbirə qatılmaq üçün linkə daxil olub qeydiyyatdan keçmək gərəkdir.
Qeyd edək ki, layihənin məqsədi gənclərin təhsil aldıqları ixtisas barədə məlumatlılığının artırılması, onların karyera planlamasına dəstək göstərilməsi və şəbəkələşməsini təmin etməkdir.
