Gəncədə gənclər üçün ustad dərsi keçiriləcək. Bu haqda 24 oktyabr tarixində Gənclər Evinə istinadən məlumat veririk.
Master-klas Gəncə-Daşkəsən Regional Gənclər və İdman idarəsinin və Gənclər Evinin birgə təşkilatçılığı ilə "Qələbənin pəncərələri" aksiyası çərçivəsində baş tutacaq. Burada Tikiş və Toxuculuq kursunun rəhbəri Xatirə Məmmədova tərəfindən "Xarıbülbül" simvolunun lentdən hazırlanma prosesi öyrədiləcək.
Ustad dərsi 25 və 26 oktyabr tarixlərində saat 15:00-da təşkil olunacaq. Qeydiyyat və ətraflı məlumat üçün (050) 350 99 67 nömrəsi ilə əlaqə saxlamaq lazımdır. Master-klasda iştirak ödənişsizdir.
