Gəncədə gənclər üçün təlimlər təşkil olunacaq. Bu haqda Gencexeber.az-a 9 oktyabr tarixində məlumat daxil olub.
Seminarlar Respublika Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və “Gələcəyə Körpü” Gənclər İctimai Birliyinin təşkilatçılığı ilə “Gənclərin sosial sahibkarlıq bacarıqlarının inkişafı proqramı” layihəsi çərçivəsində həyata keçiriləcək. Burada Nizami yurdunda yaşayan və təhsil alan 25 gənc iştirak edəcək.
Təlimlər 13, 14 və 15 oktyabr tarixlərində saat 10:00-dan 18:00-dək 2 saylı Gəncə Regional Asan Xidmət Mərkəzində baş tutacaq.
Layihənin məqsədi gənclərin icra ediləcək fəaliyyətlər vasitəsilə sosial sahibkarlıq üzrə maarifləndirilməsi, onların bu sahədə ideyalarının üzə çıxarılması, həmçinin müxtəlif dövlət və özəl qurumlarla birgə əməkdaşlığı və təbliğatı gücləndirməkdir.
