Gəncədə gənclər arasında müsabiqə təşkil olunub. Bu haqda 20 oktyabr tarixində Regional Gənclər və İdman idarəsinə istinadən xəbər veririk.
Heydər Əliyevin 100 illik yubileyinə həsr edilmiş “Nə? Harada? Nə zaman?” intellektual oyunu keçirilib. Müsabiqə Regional Gənclər və İdman İdarəsi, Yeni Azərbaycan Partiyası Gəncə Şəhər Təşkilatı və Gənclər Evinin birgə təşkilatçılığı ilə baş tutub. Yarışın əvvəlində burada iştirak edən YAP Gəncə Şəhər Təşkilatının sədri Bayram Aslanov, Regional Gənclər və İdman İdarəsinin rəisi İntiqam Hüseynov və Gənclər Evinin direktoru Amil Qurbanov yarışın məqsədləri haqqında iştirakçılara məlumat veriblər.
Gənclər Evi, Azərbaycan Texnologiya Universiteti və GDU-nun nəzdində Regional Kollecin komandası ilk üçlükdə yer alıblar. Oyunda I yerin qalibləri diplom və kubokla, II və III yerlərin qalibləri diplomla, digər komandalar isə sertifikatla təltif olunublar.
[modula id="48279"]
