Gəncə təmsilçisinin rəhbərliyinin iclası keçirilib. Bu haqda 17 oktyabr tarixində Voleybol Klubuna istinadən məlumat veririk.
“Gəncə” voleybol klubunun İdarə Heyətinin toplantısı baş tutub. İclasda klubun prezidenti Elvar Osmanov komandanın qarşısına qoyulan hədəflərdən danışıb, heyətin Azərbaycan Yüksək Liqasına hazırlığı ilə maraqlanıb. Baş məşqçi - belaruslu mütəxəssis Sergey Çasnavitski voleybolçuların məşq prosesi barədə məlumat verib, heyətin yeni mövsümün startınadək tam hazır olacağını diqqətə çatdırıb.
Görüşdə komandanın ev və səfər oyunlarına hazırlığı, qarşıdakı planlar və klubun texniki heyət üzvləri arasında koordinasiyasının daha da təkmilləşdirilməsi ilə bağlı fikir mübadiləsi aparılıb.
