Gəncədə yeniyetmə idmançılarla görüş keçirilib. Bu haqda 19 oktyabr tarixində voleybol klubuna istinadən məlumat veririk.
Qadın voleybolçulardan ibarət “Gəncə” klubunun baş məşqçisi Sergey Çasnavitski aşağı yaş qruplarından ibarət komandaların üzvləri ilə görüşüb. Belaruslu mütəxəssis yeniyetmə oğlan və qızların məşqini izləyib. Daha sonra o, klubun məşqçi-müəllimi Pərvanə Niftəliyeva ilə fikir mübadiləsi aparıb və göstərişlərini verib.
Görüş zamanı Sergey Çasnavitski yeniyetmə voleybolçular üçün ustad dərsi keçib. İdmanın voleybol növünün özəllikləri barədə məlumat verən mütəxəssis müəyyən texniki-taktiki hərəkətləri də yerinə yetirib.
