Gəncə sakinləri avtozavod adlanan ərazidə yerləşən tullantıların yandırılmasından şikayət edirlər. Bu haqda müxbirimiz bu gün, 2 avqust xəbər verir.
Sakinlərin sözlərinə görə burada tullantılar daim yandırılır.
"Yanğın qurtamır burda. Hər cür mikrob saçan zibil növləri bu zibilxanada kimyəvi maddə tökülərək yandırılır. Gətirib üstünə zibil atırlar, yeni atılan zibillər də başlayır yanmağa. Tüstüdən elə olur evdə zəhərlənirik, gecə durub hər hansı qabaqlayıcı tədbir görürük. Çoxsaylı şikayətlər nəticəsində zibilxananın başqa yerə köçürülməsi nəzərdə tutulub. Deyilənə görə, Samux rayonunda bu zibilxananın köçürülməsi üçün yer ayrılıb, amma buna əməl olunmur", - deyə sakinlər bildirir.
Gəncədə tullantıların yandırılması ekologiyaya da ciddi ziyan vurur. Ölkəmizdə artıq mövcud olan təcrübəyə əsasən tullantıları emal etmək mümkündür. Misal olaraq Bakının Balaxanı kəndində fəaliyyət göstərən məişət tullantılarının emalı zavodunda ildə 500 min tona yaxın məişət tullantısı yandırılır. Zibilin yandırılması nəticəsində həm elektrik enerjisi, həm də yol tikintisində istifadə olunan şlam istehsal olunur.
[caption id="attachment_714" align="alignnone" width="300"]
Foto Gencexeber.az[/caption]
[caption id="attachment_715" align="alignnone" width="300"]
Foto Gencexeber.az[/caption]
