Regional Mədəniyyət İdarəsi və Fikrət Əmirov adına Gəncə Dövlət Filarmoniyasının birgə təşkilatçılığı ilə sərgi baş tutub. Bu haqda 29 aprel tarixində Regional Mədəniyyət İdarəsinə istinadən xəbər veririk.
Gəncə Dövlət Filarmoniyasının URBAN Mərkəzində gənc rəssam Elvin Bayramovun fərdi sərgisi keçirilib. İctimaiyyətin, rəssam və sənətkarların marağına səbəb olan sərgi üç gün davam edib. Tədbirdə rəssamın, əsasən, portret və qrafika janrlarında çəkilmiş rəsmləri sərgilənib.
Sərginin son günü ziyarətçilərin və sənət adamlarının iştirakı ilə gənc rəssamla görüş olub. Burada rəssamlıq sənətinin inkişafı, sərgilənən əsərlərin fəlsəfəsi haqqında danışlıb. Həmçinin şəhərimizdə gənclərin sözügedən sənətə marağı kimi mövzular müzakirə edilib.
