Gəncədə Qurban bayramı münasibətilə tədbirlər baş tutub. Bu haqda 18 iyun tarixində “Vətən Uğrunda” Facebook səhifəsinə istinadən xəbər veririk.
Gəncə Qarnizonu İdeoloji və Mədəniyyət Mərkəzi hərbi hissələrdə silsilə tədbirlər təşkil edib. Burada əvvəlcə Heydər Əliyevin və Azərbaycanın suverenliyi, ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.
Daha sonra tədbirlərdə çıxış edənlər Qurban bayramının yaranma tarixi və əhəmiyyətindən söz açıblar. Gəncə Qarnizonu İdeoloji və Mədəniyyət Mərkəzi ansamblının İfasında təqdim olunan geniş konsert proqramı və oyunlar təşkil edilib. Sonda xatirə şəkillər çəkdirilib.
