Gəncədə qəzetlərdən birinin baş redaktoru xəstəxanaya yerləşdirilib. Bu haqda 11 oktyabr tarixində İcra Hakimiyyətinə istinadən məlumat veririk.
“Gəncənin səsi” qəzetinin Baş redaktoru jurnalist Rəfiqə Sadıqovanın səhhətində problem yaranıb. O, şəhərdə fəaliyyət göstərən özəl xəstəxanaların birinə yerləşdirilib.
Bununla əlaqədar icra başçısı Niyazi Bayramov, millət vəkili Pərvin Kərimzadə və YAP Gəncə şəhər təşkilatının sədri Bayram Aslanov Rəfiqə xanımı ziyarət ediblər. Şəhər rəhbəri jurnalistin səhhəti ilə maraqlanıb və ona şəfa diləyib.
Qeyd edək ki, Rəfiqə Sadıqova fəaliyyəti dövründə “Qızıl qələm”, “Həsən bəy Zərdabi” ali ədəbi mükafatları, “Tərəqqi” medalı, Prezident Mükafatı, Ali Media Mükafatı ilə təltif olunub.
