Gəncədə Meksika ilə bağlı tədbir baş tutub. Bu haqda 30 aprel tarixində İcra Hakimiyyətinə istinadən məlumat veririk.
“Gəncə Meksikanı kəşf edir!” adlı foto və rəsm sərgisi Meksikanın Azərbaycandakı səfirliyinin təşkilatçılığı ilə keçirilib. Tədbir Gəncə Dövlət Filarmoniyasının “Urban” Mərkəzində təşkil olunub. Burada icra başçısının müavini Adil Tağıyev, Meksika Birləşmiş Ştatlarının Azərbaycandakı fövqəladə və səlahiyyətli səfiri xanım Mariya Viktoriya Romero Kabalyero, Gəncə-Daşkəsən Regional Mədəniyyət İdarəsinin rəisi Pərvin Kazımov, Meksika səfriliyinin nümayəndələri və şəhər ictimaiyyəti iştirak ediblər.
Sərgidə meksikalı illüstrator Teresa Castello Yturbidenin “Milli geyim” kolleksiyası, azərbaycanlı fotoqraf Aydın Sadıqovun Meksikada lentə aldığı, ölkənin tarixini və mədəniyyətini özündə əks etdirən fotoşəkillər, həmçinin digər rəssam və fotoqrafların əl işləri nümayiş olunub.
