Baş prokuror Gəncə hadisələri ilə bağlı müsahibə verib. Bu haqda 11 oktyabr tarixində Qafqazinfo-ya istinadən məlumat veririk.
Ötən gün Baş prokuror Kamran Əliyev Nizami yurduna səfər edib. O bildirib ki, birinci Qarabağ, 44 günlük Vətən müharibələri, həm də atəşkəs dövründə çoxsaylı cinayət işləri açılıb və hazırda bu işlər davam etdirilir.
“Gəncəyə raket zərbələri endirilməsindən 3 il keçir. Bu günlərdə həmin cinayət əməllərini törətmiş şəxslərin bir neçəsi həbs olunub. Bu, Gəncə hadisələrinin ildönümü ərəfəsində bizə təsəlli verir. Hər fakta görə ayrıca cinayət işi var. Hazırda istintaq davam edir.
Sevindirici haldır ki, Prezident İlham Əliyevin məharətli diplomatik siyasəti, ordu quruculuğu nəticəsində bütün Azərbaycan əraziləri artıq bizim nəzarətimizdədir”, - deyə Baş prokuror qeyd edib.
