Gəncədə növbəti təlim baş tutub. Bu haqda 1 noyabr tarixində Dövlət Gömrük Komitəsinə istinadən məlumat veririk.
Potensialın gücləndirilməsi, bilik və bacarıqların artırılması məqsədilə təşkil edilən seminar Gömrük İdarəsində keçirilib. Tədbirə qurumun əməkdaşları qatılıblar.
Təlimlər malların gömrük sərhədindən keçirilməsi ilə bağlı tətbiq olunan qadağa və məhdudiyyət tədbirləri, gömrük nəzarətinin təşkili, əqli mülkiyyət hüquqlarının obyektləri olan mallar üzərində gömrük nəzarəti tədbirləri, “Yaşıl dəhliz” buraxılış sistemi və ondan istifadə şərtləri, malların beynəlxalq tranzit xüsusi gömrük proseduru altında rəsmiləşdirilməsi və BYD Konvensiyası çərçivəsində yerinə yetirilən daşımalar zamanı aparılan əməliyyatların qanunvericilik əsasları, gömrük orqanlarının vəzifəli şəxslərinin Etik Davranış Kodeksi: əsas prinsiplər və tətbiqi məsələlər, "Korrupsiyaya qarşı mübarizə haqqında" Azərbaycan Respublikasının Qanunu: tələblər, tətbiqi məsələlər və beynəlxalq standartlar, effektiv kommunikasiya, bədən dili və şəxsin davranış psixologiyası, idarəetmə bacarıqları-liderlik, təhlil aparma, proqnozlaşdırma, qərarvermə və vətəndaşlarla iş standartları (CRM) və s. mövzuları əhatə edib.
