Gəncənin 22 nömrəli tam orta məktəbində tədbir baş tutub. Bu haqda 26 aprel tarixində İcra Hakimiyyətinə istinadən xəbər veririk.
Məhəmməd Füzulinin adını daşıyan təhsil ocağında dahi şairin 530 illiyi qeyd edilib. Burada Niyazi Bayramov, Türkiyənin Gəncədəki Baş konsulu Recep Öztop, YAP Gəncə Şəhər Təşkilatının sədri Bayram Aslanov, millət vəkili Pərvin Kərimzadə, ADAU-nun rektoru Zəfər Qurbanov, Gəncə-Daşkəsən Regional Təshil İdarəsinin müdir müavini Rövşən Kərimov, Gəncə üzrə sektor müdiri Nərgiz Həsənova, idarə, müəssisə, təşkilat rəhbərləri və təhsil ocağının kollektivi iştirak ediblər.
“Füzuli dühası” adlı ədəbi-bədii gecədə dahi şairin həyat və yaradıcılığından bəhs olunub. Məktəbin istedadlı şagirdləri dahi şairin sözlərinə yazılmış “Vətənimdir”, “Füzuli kantatası” əsərlərini ifa ediblər. M.Füzulinin nakam məhəbbət dastanı olan “Leyli və Məcnun” poemasından “Ananın Leyliyə nəsihəti” səhnəsi, həmçinin müxtəlif rəqslər tamaşaçılar tərəfindən böyük maraqla izlənilib.
