Gəncədə yaşıllaşdırma aksiyası baş tutub. Bu haqda 3 may tarixində MKTİB-yə istinadən xəbər veririk.
“Yaşıl dünya naminə həmrəylik ili” çərçivəsində olan aksiya Fikrət Əmirov parkında təşkil edilib. Parkın ərazisinə Mənzil Kommunal Təsərrüfatı İstehsalat Birliyinin Yaşıllaşdırma şöbəsi tərəfindən müxtəlif gül-çiçəklər əkilib. İstirahət məkanının mövcud və yeni yaşıllıq zolaqlarına aqrotexniki qulluq göstərilib, suvarılması təmin olunub.
Xatırladaq ki, bir müddət öncə adıçəkilən parkda abaqlıq-quruculuq işləri aparılıb. Burada mövcud olan oturacaqlar təmir edilib, yeni zibil qutuları yerləşdirilib, işıqlandırma sistemi müasir səviyyədə qurulub.
