Gəncədə daha bir ərazidə rabitə dirəyi aşmaq üzrədir. Bu haqda Gencexeber.az-a 3 iyun tarixində məlumat daxil olub.
Söhbət Cahangir Axundov küçəsindən gedir. Bir müddət əvvəl güclü külək səbəbindən ağac aşaraq ərazidə olan evin hasarını uçurub. Həmçinin ağac rabitə dirəyinin üzərinə düşüb. Nəticədə rabitə dirəyi əyilib.
Məsələ ilə bağlı sakinlər narahat olduqlarını bildiriblər. Onların sözlərinə görə, yaranmış təhlükəli vəziyyət artıq bir həftədir davam edir.
“122-yə xəbər vermişik, amma heç bir nəticə yoxdur. Dirək hər an aşa bilər. Məsələnin həll olunmasını istəyirik”, - deyə məhəllə sakinləri qeyd ediblər.
