15 İyun - Milli Qurtuluş Günü münasibəti ilə Gəncədə tədbir olub. Bu haqda 15 iyun tarixində Heydər Əliyev Mərkəzinə istinadən xəbər veririk.
Fövqəladə Hallar Nazirliyinin Mülki Müdafiə Qoşunlarının “N” saylı hərbi hissəsinin əsgərləri Heydər Əliyev Mərkəzində olublar. Burada Mərkəzin əməkdaşı əsgərləri bayram münasibəti ilə təbrik edib, qeyd edib ki, tariximizə Milli Qurtuluş Günü kimi daxil olmuş 15 İyun böyük ictimai, siyasi və tarixi əhəmiyyətə malik bir gündür. Ümummilli liderimiz Heydər Əliyevin 1993-cü il iyunun 15-də hakimiyyətə xilaskar qayıdışı xalqımızın çoxəsrlik tarixinə taleyüklü möhtəşəm siyasi hadisə kimi daxil olub. Əsgərlər xatirə muzeyində nümayiş olunan eksponatlarla tanış olublar. Tanışlıqdan sonra əsgərlər ümummilli lider Heydər Əliyevə həsr olunmuş filmə baxıblar.
