Gəncədə iki universitetin müəllimləri ilə görüş baş tutub. Bu haqda 12 oktyabr tarixində ADAU-ya istinadən xəbər veririk.
Azərbaycan Dövlət Aqrar Universitetində Türkiyənin Ege Universiteti ilə birgə həyata keçirilən beynəlxalq ikili diplom proqramı çərçivəsində dərs tədris edən müəllimlərlə görüş keçirilib. Tədbirdə ADAU-nun rektoru Zəfər Qurbanov, Türkiyənin Gəncə şəhərindəki Baş Konsulu Recep Öztop və cari tədris ilinin payız semestrində Ege Universitetindən ezam olunan bir qrup professor-müəllim heyəti iştirak ediblər.
Onlar hər iki ölkənin ikili diplom proqramından və qarşılıqlı əməkdaşlıq perspektivlərindən danışıblar.
