Daşkəsəndə sahibkarlara dövlət dəstəyi müzakirə edildi.
Gencexeber.az-a Daşkəsən Rayon İcra Hakimiyyətindən verilən məlumata əsasən, “Sahibkarlığın inkişafına dövlət dəstəyi” mövzusunda görüş keçirilib. Bildirilib ki, tədbir adıçəkilən qurumun və İqtisadiyyat Nazirliyinin tabeliyindəki Sahibkarlığın İnkişafı Fondunun birgə təşkilatçılığı ilə təşkil edilib.
Görüşdə sahibkarlara dövlətin güzəştli maliyyə mexanizmləri və Fondun təqdim etdiyi güzəştli kreditlər haqqında ətraflı məlumat verilib, iştirakçıların sualları cavablandırılıb, təklifləri dinlənilib və müraciətləri qeydiyyata götürülüb.
Tədbirdə Daşkəsən Rayon İcra Hakimiyyətinin başçısı Orxan Abbasov, Sahibkarlığın İnkişafı Fondunun İdarə Heyətinin sədri Osman Xaliyev, Kiçik və Orta Biznesin İnkişafı Agentliyinin, Aqrar Kredit və İnkişaf Agentliyinin, müvəkkil kredit təşkilatlarının nümayəndələri, habelə Daşkəsəndə iqtisadiyyatın müxtəlif sahələri üzrə fəaliyyət göstərən sahibkarlar iştirak ediblər.
