Gəncədə Vətən müharibəsi iştirakçısının ailəsi ziyarət olunub. Bu haqda 15 iyul tarixində İcra Hakimiyyətinə istinadən məlumat veririk.
İcra başçısı Niyazi Bayramov YAP Gəncə şəhər təşkilatının sədri Bayram Aslanov, Nizami bələdiyyəsinin sədri Qoşqar Məmmədov və Aparatın məsul əməkdaşları ilə birlikdə polkovnik-leytenant İlqar Rəhman oğlu Orucovun valideynlərinə baş çəkib. Qəhrəmanın atası Rəhman Orucov övladının Vətən müharibəsində keçdiyi döyüş yolundan söz açıb. O bildirib ki, oğlu daim Vətəninə bağlı olub, Azərbaycanın ərazi bütövlüyü uğrunda qəhrəmanlıqla döyüşüb və sevindirici haldır ki, onun bu şücaəti dövlət başçısı tərəfindən yüksək qiymətləndirilib.
Niyazi Bayramov İlqar Orucovun valideynlərini narahat edən məsələlərin qanunamüvafiq həlli istiqamətində aidiyyəti üzrə tapşırıqlar verib.
