Gəncədə türbə yağış və kanalizasiya sularının ortasında qalıb. Bu haqda 3 iyun tarixində Xəzər Xəbər-ə istinadən məlumat veririk.
Söhbət Comərd Qəssab türbəsindən gedir. Abidənin ətrafına günlərdir yağış və kanalizasiya suları yığılıb. Türbənin içərisində də qalın palçıq təbəqəsi yaranıb.
Gəncə şəhər Sukanal İdarəsindən mövcud vəziyyətə səbəb olaraq, həmin ərazidə yağış suları üçün drenaj sisteminin olmaması qeyd edilib. Məsələyə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən də münasibət bildirilib. Qurumun rəsmisi Fariz Hüseynli deyib ki, türbənin ətrafına yağış nəticəsində yığılan suyun təmizlənməsi və nəticələrinin aradan qaldırılması, eləcə də abidənin mühafizəsi istiqamətində əlavə tədbirlər görüləcək.
