Gəncədə kommunal qəza baş verib. Bu haqda Gencexeber.az-a 29 iyun tarixində məlumat daxil olub.
Hadisə şəhərin Vatutin küçəsində qeydə alınıb. Burada bir neçə gün öncə binaları içməli su ilə təchiz edən boru partlayıb. Əraziyə “Azərsu” ASC-nin əməkdaşları cəlb olunublar. Onlar ərazini qazıblar. Daha sonra qazılmış hissə üstüaçıq qoyulub.
Sözügedən küçədə nəqliyyatın hərəkəti müvəqqəti olaraq məhdudlaşdırılıb.
