Gəncədə “Heydər Əliyev İli”nə həsr olunmuş konfrans baş tutub. Bu haqda 20 oktyabr tarixində İcra Hakimiyyətinə istinadən xəbər veririk.
“Biz torpaqlarımıza qayıdacağıq” mövzusunda tədbir keçirilib. Burada icra başçısının müavini Adil Tağıyev, Azərbaycan Ağsaqqallar Şurasının sədr müavini professor Vahid Novruzov, şuranın Aparat rəhbəri Ramin Həsənli, YAP Gəncə Şəhər Təşkilatının sədri Bayram Aslanov, Gəncə Şəhər Ağsaqqallar Şurasının sədri Nurəddin Məmmədov, Qərbi Azərbaycan İcmasının Gəncə Nümayəndəliyinin rəhbəri Mübariz Yusifov, şəhid ailələri və şəhər ictimaiyyətinin nümayəndələri iştirak ediblər.
Qonaqlar ümummilli liderin Vətən, xalq qarşısındakı tarixi xidmətlərindən söhbət açıblar. Sonda Gəncə Dövlət Dram Teatrının aktyoru Xalq artisti Məmmədəli Balayevin ifasında şeirlər səsləndirilib.
