Gəncədə növbəti müsabiqə keçiriləcək. Bu haqda 25 oktyabr tarixində Gənclər Evinə istinadən məlumat veririk.
“Biz Qayıtdıq” adlı rəsm müsabiqəsi yeniyetmə və gənclər arasında baş tutacaq. Tədbir 4 noyabr Gəncə-Daşkəsən Regional Gənclər və İdman İdarəsi və Gənclər Evi tərəfindən Zəfər Günü münasibətilə təşkil olunur.
Müsabiqə 2 hissədən ibarətdir. Birinci turda gənclər hazırladıqları rəsmləri 2 noyabradək Gənclər Evində rəsm dərnəyinin rəhbəri Xanım Əhmədovaya təhvil verməlidirlər. Final mərhələsində isə sərgi təşkil olunur və qiymətləndirmə aparılır.
Müsabiqədə hər bir şəxs yalnız 1 işlə iştirak edə bilər. Münsiflər heyətinin rəyinə əsasən, 4 nəfər ( I-III və 1 həvəsləndirici yerlər) qalib seçiləcək.
Qatılmaq istəyənlər (055) 307 85 39 nömrəsi ilə əlaqə saxlaya bilərlər.
