Gəncədə bir sıra yerlərdə lüklər baxımsız vəziyyətdədir. Bu haqda Gencexeber.az-a 25 aprel tarixində məlumat daxil olub.
Bu hal şəhərin Pərviz Səmədov, Üzeyir Hacıbəyli, Bakı, Səməd bəy Mehmandarov, Bəhman Xəlilov küçələri, Heydər Əliyev prospekti ilə Ələkbər bəy Rəfibəyli küçəsinin və həmin prospekt ilə Məhəmməd Füzuli küçəsinin kəsişmələrində müşahidə olunur. Adıçəkilən ərazilərdə lüklərin təmirə ehtiyacı var.
Pərviz Səmədov, Üzeyir Hacıbəyli, Səməd bəy Mehmandarov küçələri və Heydər Əliyev prospekti ilə Məhəmməd Füzuli küçəsinin kəsişmələrində lüklər asfalt örtüyünün səviyyəsindən aşağıda yerləşir. Bakı, Bəhman Xəlilov küçələrində və Heydər Əliyev prospekti ilə Ələkbər bəy Rəfibəyli küçəsinin kəsişməsində lüklər qapaqsız vəziyyətdədir. Birinci adıçəkilən küçədə sakinlər xəbərdarlıq üçün lükun üstünə şinlər qoyublar.
Lüklərin cari vəziyyəti avtomobil və piyadalara çətinlik, bəzi hallarda təhlükə yaradır.
[modula id="58544"]
