Gəncədə kommunal qəza baş verib. Bu haqda Gencexeber.az-a 16 may tarixində məlumat daxil olub.
Hadisə şəhərin Şota Rustaveli küçəsində qeydə alınıb. Sakinlərin sözlərinə görə, üç gün öncə ərazidə binaları içməli su ilə təchiz edən yeraltı su borusu partlayıb. Nəticədə ətrafa su axmağa başlayıb.
Hazırda əraziyə “Azərsu”nun əməkdaşları cəlb olunublar. Burada qəzanın aradan qaldırılması üçün təmir işləri aparılır.
