Gəncədə açıq mikrofon aksiyası keçirilib. Bu haqda 10 oktyabr tarixində Azəriqaz-a istinadən məlumat veririk.
Tədbir Gülüstan qəsəbəsində təşkil edilib. "Səyyar qəbul otağı"nda ən çox səslənən müraciət fərdi yaşayış evlərinin qazlaşdırılması ilə bağlı olub. Vətəndaşlara bildirilib ki, “Azəriqaz” İB-nin daxili resursları hesabına çəkilən küçə xətlərinə qoşulma prosesi sakinlərin vəsaiti hesabına xüsusi lisenziyası olan podratçı şirkətlər tərəfindən həyata keçirilməlidir. İstisna hallar yalnız şəhid ailələrinə və qazilərə şamil edilir.
Müraciətlərin digər qismi isə qaz xəttinin yerinin dəyişdirilməsi və sayğacın yenisi ilə əvəzlənməsindən ibarət olub. Səsləndirilən məsələlər qeydə alındıqdan sonra problemlərin həlli üçün müvafiq tapşırıqlar verilib.
