Gəncədə ATU-da Heydər Əliyevin anadan olmasının 101 illiyinə həsr olunmuş elmi-praktik tələbə seminarı keçirilib. Bu haqda 24 aprel tarixində ATU-ya istinadən xəbər veririk.
Azərbaycan Texnologiya Universitetində “XXI əsr Dizayn və Mühəndis tələbələrin gözü ilə” adlı elmi-praktik tələbə seminarı təşkil edilib. Burada tələbələrdən Əmani Fatimənin “Səfəvi dövlətinin xalı və xalçalarının təhlili”, Nərmin Abbasovanın “Yaradıcılıq və çakralar”, Elgün Ağakişiyevin “Alüminium hidrogen generatorundan istifadə etməklə dizel yanacağının hidrogenlə əvəz edilməsi”, Tuncay Baxişevin “Web design in the process of ELT” və Ayxan Məmmədovun “Hibrid mühərriklərin analizi” başlıqlı məruzələri dinlənilib. Daha sonra mövzular ətrafında fikir mübadiləsi aparılıb.
Seminarda strateji inkişaf və rəqəmsallaşma məsələləri üzrə müşavir Mehman Kərimov, YSML-in, Yüngül sənaye mühəndisliyi və dizayn, Maşın mühəndisliyi və logistika kafedralarının, TEC-nin rəhbər heyəti və əməkdaşları, Azərbaycan Dəmir Yolları QSC-nin, Simurq company ATSC- nin mütəxəssisləri və tələbələr iştirak ediblər.
