Gəncədə əmək yarmarkası baş tutacaq. Bu haqda 18 oktyabr tarixində Dövlət Məşğulluq Agentliyinə istinadən xəbər veririk.
Yarmarka 20 oktyabr tarixində saat 11:00-dan 13:00-dək Regional Məşğulluq filialının dəstəyi ilə keçiriləcək. Tədbirdə 20 müəssisə tərəfindən 200-dən artıq vakansiya təqdim olunacaq.
Tədbirə gələn namizədlərin şəxsiyyət vəsiqələrini və CV nümunələrini gətirmələri arzuolunandır. Tədbirdə namizədlərə vakansiyalar, iş öhdəlikləri və şərtlər haqqında məlumat veriləcək.
Əmək yarmarkası Azərbaycan bayrağı küçəsi, 78 ünvanında Gəncə Dövlət Dram Teatrında təşkil olunacaq.
