Gəncədə yarmarka təşkil olunub. Bu haqda 23 oktyabr tarixində İcra Hakimiyyətinə istinadən məlumat veririk.
Dövlət Məşğulluq Agentliyi tərəfindən Nizami yurdunda Əmək yarmarkası keçirilib. Bura 20 müəssisə qatılıb. Onlar ümumilikdə 200-dən çox vakansiya təqdim ediblər.
Aksiyada müxtəlif vakansiyalara müraciət edən şəxslərin CV-ləri qəbul olunaraq nəzərdən keçirilib. Daha sonra uyğun namizədlər üçün göndərişlər formalaşdırılıb.
Tədbirdə, həmçinin işsiz və işaxtaran şəxslərə Agentliyin Mərkəzi Karyera filialının əməkdaşları tərəfindən peşəyönümü xidməti göstərilib, aktiv məşğulluq istiqamətləri və müraciət qaydaları barədə məlumat verilib, müraciət etmək istəyən şəxslərlə ilkin sorğular həyata keçirilib.
