Gəncədə universitetlərin birində təlim təşkil edilib. Bu haqda 28 may tarixində ATU-ya istinadən xəbər veririk.
Azərbaycan Beynəlxalq Bankı tərəfindən ATU tələbələri üçün təlimlər keçirilib. Təlimlər “Uğurlu qadınlarla səmimi söhbət” mövzusunda iki sessiyada davam edib. Birinci sessiyada İnsan Resurslarının İdarə Edilməsi Departamentinin direktoru Məlahət Abdullayeva, ikinci sessiyada isə data üzrə sahə rəhbəri Mayya Dursunova çıxış ediblər.
Təlimlərdə Filiallarla iş və satışa dəstək departamentinin direktor müavini Rəşad Abbasov “Bankın nümunəvi əməkdaşı”, İşə qəbul və planlaşdırma şöbəsinin aparıcı mütəxəssisi Nərgiz Ənvərli “Uğurlu CV hazırlamaq və müsahibəyə hazırlıq”, Daxili kommunikasiya şöbəsinin aparıcı mütəxəssisi Gülnar Hüseynova “Gələcəyin üçün brendini bu gün yarat” mövzuları ilə tələbələrin qarşısına çıxıblar.
