Gəncədə təhsil alan tələbələrin istehsalat təcrübəsi başlayıb. Bu haqda 18 oktyabr tarixində ATU-ya istinadən məlumat veririk.
Azərbaycan Texnologiya Universitetinin Qida Mühəndisliyi fakültəsinin iki ixtisası üzrə təhsil alan son kurs tələbələrinin istehsalat təcrübələri cari tədris ilinin payız semestrində aparıcı qida sənayesi və şərabçılıq müəssisələrində aparılır. Hazırda “Qida mühəndisliyi” və “Şərabçılıq” ixtisaslarında təhsil alan gənclər Gəncə, Şəmkir, Göygöl, Qəbələ, Ağsu, Şamaxı şəhərlərində təcrübə keçirlər. Onlar müasir texnologiyalarla təchiz olnmuş Qəbələ Konserv Zavodu, AzGranata Şirə və Şərab Emalı Zavodu, Şirvan Şərabları Zavodu, Gəncə Şərab-2, Gəncə Dəyirman və s. kimi müasir sənaye müəssisələrində praktik vərdişlərə yiyələnirlər.
