Gəncədə təhsil ocaqlarından birində tədbir baş tutub. Bu haqda 5 oktyabr tarixində ATU-ya istinadən xəbər veririk.
Beynəlxalq Müəllimlər Gününə həsr edilmiş tədbir Azərbaycan Texnologiya Universitetində keçirilib. Öncə şəhidlərimizin xatirəsi bir dəqiqəlik sükutla yad edilib. Daha sonra tədris işləri üzrə prorektor Raqif Hüseynov universitetin bütün müəllimlərini təbrik edib və onlara işlərində nailiyyətlər arzulayıb.
Tədbirdə Universitetin əməkdaşları Raqif Hüseynov, Mayıs Gülalıyev, Şahmar Həsənov, Mehman Kərimov, Cəsarət Şabanov və Qalibə Məmmədova çıxış ediblər. Onlar müəllim peşəsinin tarixindən, gənc nəslin vətənpərvər ruhda yetişməsində rolundan, müəllim missiyasının dəyərlərindən danışıblar.
