Gəncədə universitetlərin birində iclas keçirilib. Bu haqda 13 oktyabr tarixində ATU-ya istinadən xəbər veririk.
Azərbaycan Texnologiya Universitetində 2024-2030-cu illəri əhatə edən Strateji İnkişaf Planının hazırlanması müzakirə olunub. İclas iki gün davam edib. Burada, həmçinin SİP-nin məqsəd və hədəfləri, təhsilin keyfiyyətinin artırılması, elmi-tədqiqat işinin təşviq edilməsi, innovativ yeniliklər və texnologiyaların tətbiqi, beynəlxalq əlaqələrin genişləndirilməsi, sosial tədbirlər, iş mühiti və infrastrukturun yaxşılaşdırılması və digər məsələlər müzakirə olunub.
Tədbirə strateji inkişaf və rəqəmsallaşma məsələləri üzrə müşavir Mehman Kərimov qatılıb. O, professor-müəllim və inzibati heyət arasında aparılan müvafiq sorğular və təkliflər də nəzərə alınaraq hazırlanmış Strateji İnkişaf Planının ilkin versiyasını təqdim edib.
