Gəncədə universitetlərin birində iclas keçirilib. Bu haqda 26 oktyabr tarixində ATU-ya istinadən xəbər veririk.
Azərbaycan Texnologiya Universitetində Elmi Şuranın növbəti iclası baş tutub. Burada universitetin rektor vəzifəsini müvəqqəti icra edən Yaşar Ömərov, prorektor Raqif Hüseynov, innovasiyalar üzrə prorektor əvəzi Mayıs Gülalıyev, sosial məsələlər və ictimaiyyətlə əlaqələr üzrə müşavir Şahmar Həsənov və turizm sənayesinin təşkili kafedrasının müdiri Yusif Hümbətov iştirak ediblər.
İclasda Yaşar Ömərov gündəlikdə duran məsələləri diqqətə çatdırıb. Daha sonra tədbirdə universitetin Strateji İnkişaf Planı təqdim edilib və plan müzakirələrdən sonra təsdiq olunub.
Yığıncaq çərçivəsində bir qrup əməkdaş yubiley münasibətilə təltif edilib.
