Gəncədə “Yaşıl dünya naminə həmrəylik ili” çərçivəsində tədbir baş tutub. Bu haqda 1 may tarixində İcra Hakimiyyətinə istinadən xəbər veririk.
Yarış Azərbaycan Texnologiya Universitetinin təşkilatçılığı, Təhsilin İnkişafı Fondunun, İnnovasiya və Rəqəmsal İnkişaf Agentliyinin, Kapital Bankın, “Bir” Tələbə-Könüllü Təşkilatının, “Azersun”un, “ATS Food” və “AzGranata”nın dəstəyi ilə həyata keçirilib.
Müsabiqədə 17 universitetin 200 tələbədən ibarət 60-dan çox komandası 5 kateqoriya üzrə mübarizə aparıb. Robototexnika, Mexatronika, Enerji sistemləri mühəndisliyi, İnsanlıq naminə texnologiyalar, Davamlılıq üçün Sİ olmaqla hər kateqoriya üzrə 3 yer müəyyənləşib. Münsiflər heyətinin dəyərləndirməsindən sonra yarışın qalib komandaları sertifikat və qiymətli hədiyyələrlə mükafatlandırılıb. Görüşdə yarışa təqdim olunan layihələrdən ibarət stendlərə baxış təşkil olunub.
