Gəncədə universitetlərin birində toplantı keçirilib. Bu haqda 24 aprel tarixində ATU-ya istinadən xəbər veririk.
Toplantı Azərbaycan Texnologiya Universitetində təşkil edilib. Burada Universitetin rektoru vəzifəsini müvəqqəti icra edən elmi şura sədri dosent Yaşar Ömərov yetərsayı nəzərə alaraq, iclası açıq elan edib, gündəlikdə duran məsələləri diqqətə çatdırıb.
İclasda tədris işləri üzrə prorektor Raqif Hüseynov yaz imtahan sessiyasına hazırlığın vəziyyəti, universitetin strukturunun optimallaşdırılması və yeni struktur bölmələrinin yaradılması ilə bağlı komissiyanın hesabatına dair çıxış edib. Daha sonra Xarici dillər kafedrasının müdiri İlhamə Rəhimovanın, Beynəlxalq əməkdaşlıq şöbəsinin müdiri vəzifəsini müvəqqəti icra edən Ramidə Xəlilovanın hesabatı dinlənilib.
Tədbir çərçivəsində İnsan resursları şöbəsinin müdiri İlham Əlizadənin şura üzvlərinin müzakirəsinə təqdim etdiyi ştat cədvəlində dəyişiklik və digər məsələlərə baxılıb, tədris metodiki vəsaitlər təsdiq edilib. Sonda Kimya mühəndisliyi kafedrasının müdiri Musa Cəfərov, əməkdaşı Rəna Axundzadə 75 illik yübileyləri münasibətilə təltif ediliblər.
