Gəncədə tələbələrin valideynləri ilə görüş baş tutub. Bu haqda 29 iyun tarixində Kəpəz televiziyasına istinadən məlumat veririk.
Azərbaycan Texnologiya Universitetində “Açıq qapı” günü keçirilib. Burada təhsil alan tələbələrin valideynləri yay imtahan sessiyasının gedişi ilə tanış olublar. Valideynlərə proses haqqında məlumat verilib. Onlar imtahanın təşkilini və kodlaşdırma otağında yoxlama prosesini görüntülü formada birbaşa izləyiblər. Həmçinin valideynlərin fikir və təklifləri dinlənilib.
Qeyd edək ki, ATU-da 2023/24-cü tədris ilinin imtahan sessiyasında 800-ə yaxın tələbə iştirak edir.
