Gəncədə beynəlxalq agentliyin nümayəndəsi ilə görüş baş tutub. Bu haqda 21 oktyabr tarixində ADAU-ya istinadən məlumat veririk.
Atom Enerjisi üzrə Beynəlxalq Agentliyin (AEBA) eksperti Mohammad Zaman Azərbaycan Dövlət Aqrar Universitetində (ADAU) olub. Görüşdə Kənd Təsərrüfatı Nazirliyinin Bitkiçiliyin təşkili və monitorinqi şöbəsinin müdiri İmran Cümşüdov və tədqiqatçı Səxavət Məmmədov da iştirak ediblər.
Universitetin rektoru Zəfər Qurbanov qonağa təhsil ocağında həyata keçirilən elmi-tədqiqat işləri, beynəlxalq əlaqələr və ali təhsil müəssisəsinin maddi-texniki bazası barədə ətraflı məlumat verib. Rektor bildirib ki, Universitetin Tədris-təcrübə təsərrüfatında yeni texnologiyalar ilə fərqli pambıq sortlarının əkini və tədqiqi prosesi həyata keçirilir.
Daha sonra Mohammad Zaman “Pambıq, buğda və çəltik istehsalında ağıllı kənd təsərrüfatı üzrə beynəlxalq təcrübələrin genişləndirilməsi”nə dair layihə barədə qısa məlumat verib. Həmçinin görüşdə qarşılıqlı əməkdaşlıq perspektivləri və birgə elmi-tədqiqat işlərinin həyata keçirilməsi məsələləri müzakirə olunub.
Daha sonra AEBA-nın eksperti ADAU-nun müəllim və tələbələri üçün seminar keçib. Sonda iştirakçıların sualları cavablandırılıb.
