Fikrət Əmirov adına Gəncə Dövlət Filarmoniyasında tədbir keçiriləcək. Bu haqda 10 may tarixində Gəncə Dövlət Filarmoniyasına istinadən xəbər veririk.
"Musiqi kimliyimiz" layihəsi növbəti dəfə təqdim ediləcək. Tədbir 20-22 may tarixlərində saat 19:00-da baş tutacaq.
Layihə XX əsr Azərbaycan aşıq sənətinin görkəmli nümayəndəsi, Əməkdar incəsənət xadimi, el havaları və dastanların mahir ifaçısı, əbədiyaşar Aşıq Şəmşirin əziz xatirəsinə həsr olunacaq.
Qeyd edək ki, tədbir Gəncə Dövlət Filarmoniyası, Azərbaycan Respublikası Mədəniyyət Nazirliyi, Azərbaycan Aşıqlar Birliyinin dəstəyi ilə təşkil ediləcək.
